Blog Archives
Awaseru djis kai pa mi!
Shonnan konta,
Mi kier a djis kompartí mi desesperashon ku boso…
Mi tin basta gana di planta, pero awa seru no ke koperá. Nos por mua mata kuantu ku nos ke pero nos tur sa ku aw’i yobe ta e miho kos pa e matanan.
Pues yudami kanta dor di klek riba e potrèt:
Den e mesun rosea mi ke kòrdabo ku mi ta bende e spikenan pa mua mata!! Pues tanten ku awa no kai, bo mata ta keda hana su awa normal.
Mientras tantu, nos ta sigui kanta i pidi!!
Saludos!
Ban topa AKV!!!
Hei shonnan,
Ata un otro oportunidat pa bo bishita/partisipá na e feria agrario di AKV.
Felis siman!
Flea Market Pietermaai!
Konta shonnan,
Mi kier a kompartí e aktividat aki ku bo, ya komo ku mi tambe ta bai ta einan ku algun kos.
“Lo tene Flea Market (Marshe di Pruga) Pietermaai tur promé djadumingu di luna di 17:00 pa 21:00 or, kuminsando djadumingu dia 2 di febrüari. Den hanchi i plenchinan di Pietermaai lo pone mesa, stènt i klechi ku por hür.
Ku nos Flea Market nos ke duna hende espásio pa den un ambiente dushi ofresé artíkulo na benta. Artíkulo di segundo man, artíkulo própio trahá di material natural òf resiklá i artíkulo nobo. Tur luna e establesimentunan di Horeca den bario di Pietermaai lo perkurá pa presentashonnan spesial. Durante e promé edishon di nos Marshe di Pruga Pietermaai riba djadumingu dia 2 di febrüari, Edsel “Payo” Juliet huntu ku Tipiko Krioyo ta e promé artista ku ta trese un show spesial di Pietermaai.
Lo parti e marshe den tres sekshon: Bazar, Arte & Artesania i Produktonan nobo. Banda di esaki ta pone tur luna un Bon Kousa den spòtlait. Tur hende por hür un stènt òf mesa. Representantenan di e bon kousa ta haña oportunidat pa duna informashon tokante nan kousa.”
Mi ta bai bende simianan di Sorrel/Roselle i e puntanan pa muha mata.
Mi ta spera di mira un i tur einan!
Mas ainda, paso mi ta hasi aña riba e dia ei 😉
Mas informashon akinan: Caribseek Events
Pampuna kla pa kita?
Kontá shonnan,
Mi tin un ranka di pampuna basta grandi, i e tin algun pampuna na dje aworakí. Mi no a para wak kuantu ten nan tin ta krese, pero nan a bira bèrdè skur enbes di haña strepi hel. Segun mi na momentu ku nan ta bira mas grandi i tin ku bai hecha nan tin ku bira mas kla tòg? Òf kisas ta un otro rasa di pampuna m’a planta?
Aki mi tin un potrèt pa bo wak. Un konseho òf komentario lo ta hopi útil aworakí.
Un persona a siñami kon mi por sa ki ora mi tin ku kita nan, wak e ranka kaminda e pampuna ta pega na mata, si e kuminsá seka, ta ora pa kit’é.
Lagami sa kiko mas mi por hasi espesialmente mirando e koló ku nan a haña.
Nathy!
Eksito!
Hei shonnan,
Mi a partisipá na Feria Agrario 2013 di Adeck dia 27 di òktober último. Mi tin algun potrèt aki.
Mi a pasa hopi dushi, konosé hopi hende, interkambiá ideanan i informashon i dimes, bende bon tambe.
- Mi tabatin planchi di “promentòn sorpresa”,
- Pakete pa start simia,
- Simia di milon i tomati,
- Punta di irigashon i
- Simia di Roselle (Sorrel).
Lokual ku mi a gusta mas tantu ta ku hopi hende ta hopi interesá pa planta sikiera un òf 2 berdura/fruta. I mayoria ta kompartí e goso ku bo tin ora bo mes planta i e siguransa ku lo bo kome algu bon.
2 kos ku a bin dilanti hopi ta e asuntu di kon ta hasi ku tantu yuana asina i kon ta hasi ku pispis.
Pa yuana mi no tabatin niun konseho otro ku planta den baki di plèstik na haltu (kual por keda mahos bista) òf pone plachi di zim rondó di nan (kual tambe ta keda mahoso, na mi humilde opinion ;), un otro punto un tiki mas prèt ta pa kome mas tantu yuana ku bo por ya bo no tin masha mas den bo área).
Mi ke sa kiko abo ta hasi pa deshasí di yuana!
Pa pispis mi a referí na algu ku durante di lès di JCI, Tera Krioyo un señora a kompartí ku mi i ku mi a tene ku dos
man, paso di bèrdat e tin resultado: Nos “kerido” palu di Neem (Azadirachta indica).
Mi ta bai hasi mi bèst pa mi pone un tutorial mas lihé ku ta posibel di e 2 maneranan kon ami ta usa neem pa kombatí pispis na un manera natural i orgániko.
Mi ta sintimi hopi kontentu kon tur kos a kana i ta kontentu ku e netwerk ku nos a krea ayera.
Mi ta lag’é te aki,
Ban Planta!
Mini kosecha di siman…
Konta shonnan,
Mi a disidí di pasa na vários mata pa kosecha algu den e siman ku a pasa ei, i mi ta kontentu ku mi kosecha!
E no ta grandi, pero mi ta kere ku si mi sigui hasié riba un base regular i sigui planta, nos ta yega basta leu.
Nos a bebe yerba, traha un stail di “iced tea” di orégano. Ademas, for di dia ku mi a kuminsá planta yerba pa bebe mi no a kumpra te mas, pues mi a bolbe spar algu pa hasi otro kos ku n’e.Loke tin riba e mesa (d.l.p.r.) Lamungras, orégano, simia di Yerb’i hole anis (pa laga seka pa planta despues), simia di Yerb’i hole blanku (simia pa laga seka). Mi promé kosecha di kònkòmber chikí (3 so!) i siboyo largu.
Mi a pega un blachi di vilt na e sker ku mi ta usa den kura, pa kòrta spesífikamente mata ku n’e!
E siboyo largu nan aki mi a kòrta algun dia despues, awor mi a siña ku si mi kòrta nan chinu chinu, nan ta bin bek mas fuerte mas konsistente. Pues mi por hasi esaki tur siman paso nan ta krese hopi lihé.
Kiko bosnan a kosecha e dianan aki??
Invitashon: Ban topa Punda!
Shonnan konta,
Mi tin un invitashon hopi great pa un i tur!
Djasabra awo, 6 di yüli 2013 tin “Ban Topa Punda” un bia mas i JCI IOBA Curacao lo bai tin un stènt di 10am pa 5pm riba Gomez Plein bou di e parasòlnan kaminda Il Forno tabata, pa promové e proyekto “Tera Krioyo”.
Tur hende por pasa i tira un bista!!!
Felis wikent!
Nathy