Awaseru djis kai pa mi!

Shonnan konta,

Mi kier a djis kompartí mi desesperashon ku boso…

Mi tin basta gana di planta, pero awa seru no ke koperá. Nos por mua mata kuantu ku nos ke pero nos tur sa ku aw’i yobe ta e miho kos pa e matanan.

Pues yudami kanta dor di klek riba e potrèt:

Izaline Calister – Awaseru

Den e mesun rosea mi ke kòrdabo ku mi ta bende e spikenan pa mua mata!! Pues tanten ku awa  no kai, bo mata ta keda hana su awa normal.

Mientras tantu, nos ta sigui kanta i pidi!!

 

Saludos!

Marshe na A.K.V.

Konta shonnan,

Mi kier a kompartí un otro aktividat ku bo, ya komo ku mi tambe ta bai ta einan tambe ku algun kos. Mi ta super kontentu ku e oportunidatnan aki!!

A.K.V. su sigiuente “Ban Topa” ta dia 1 di Februari 2014. Orario ta di 9or pa 1or pm. Bin disfrutá den un ambiente ku músika i nos kushina lo ta bon surtí.
E aña aki mas miho surtí na berdura i fruta pa bende.

Tin diferente produkto na benta manera: simia, kuminda di bestia, insektisida, planchi, diferente bestia, obra di man, honing, stopi, Hooibaal i hooopiiii mas.

Pa 10or am lo tin un charla interesante.
Entrada i charla ta gratis.

Un boka bisa otro.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Mi ta bai bende simianan di Sorrel/Roselle i e puntanan pa muha mata.

Mi ta spera di mira un i tur einan!

Mas informashon akinan: pagina di facebook di A.K.V.

 

Flea Market Pietermaai!

Konta shonnan,

Mi kier a kompartí e aktividat aki ku bo, ya komo ku mi tambe ta bai ta einan ku algun kos.

“Lo tene Flea Market (Marshe di Pruga) Pietermaai tur promé djadumingu di luna di 17:00 pa 21:00 or, kuminsando djadumingu dia 2 di febrüari. Den hanchi i plenchinan di Pietermaai lo pone mesa, stènt i klechi ku por hür.

Ku nos Flea Market nos ke duna hende espásio pa den un ambiente dushi ofresé artíkulo na benta. Artíkulo di segundo man, artíkulo própio trahá di material natural òf resiklá i artíkulo nobo. Tur luna e establesimentunan di Horeca den bario di Pietermaai lo perkurá pa presentashonnan spesial. Durante e promé edishon di nos Marshe di Pruga Pietermaai riba djadumingu dia 2 di febrüari, Edsel “Payo” Juliet huntu ku Tipiko Krioyo ta e promé artista ku ta trese un show spesial di Pietermaai.

Lo parti e marshe den tres sekshon: Bazar, Arte & Artesania i Produktonan nobo. Banda di esaki ta pone tur luna un Bon Kousa den spòtlait. Tur hende por hür un stènt òf mesa. Representantenan di e bon kousa ta haña oportunidat pa duna informashon tokante nan kousa.”

Mi ta bai bende simianan di Sorrel/Roselle i e puntanan pa muha mata.

Mi ta spera di mira un i tur einan!

Mas ainda, paso mi ta hasi aña riba e dia ei 😉

Mas informashon akinan: Caribseek Events

“Spike” pa muha mata

“Spike pa muha mata”

Simia di Sorrel/ Roselle

Spike pa mua mata…

Shonnan,

Despues di un tempu di basta áwaseru, fiestamentu i deskuido di mi kura, mi tei bek!

Lo mi mustra algun potrèt di “update” di mi kura i kiko a sosodé durante e luna di desèmber.

Pero loke mi ta super kontentu ku n’e ta e “spike” di muha mata ku a yega porfin!!

Mi tabata warda riba nan.

Ken ku tin mester por bestèl serka mi.

Mi ta pone un ehempel di vidio tambe pa bo wak kon e “spike” ta traha:

Mi tin gana di sa, kon a bai ku bo plantashon durante fin di aña.

Felis aña pa bo i bo kura!

Nathy

Eksito!

Hei shonnan,

Mi a partisipá na  Feria Agrario 2013 di Adeck dia 27 di òktober último.  Mi tin algun potrèt aki.

Mi a pasa hopi dushi, konosé hopi hende, interkambiá ideanan i informashon i dimes, bende bon tambe.

• Mi tabatin planchi di “promentòn sorpresa”,
• Pakete pa start simia,
• Simia di milon i tomati,
• Punta di irigashon i
• Simia di Roselle (Sorrel).

Lokual ku mi a gusta mas tantu ta ku hopi hende ta hopi interesá pa planta sikiera un òf 2 berdura/fruta. I mayoria ta kompartí e goso ku bo tin ora bo mes planta i e siguransa ku lo bo kome algu bon.

2 kos ku a bin dilanti hopi ta e asuntu di kon ta hasi ku tantu yuana asina i kon ta hasi ku pispis.

Pa yuana mi no tabatin niun konseho otro ku planta den baki di plèstik na haltu (kual por keda mahos bista) òf pone plachi di zim rondó di nan (kual tambe ta keda mahoso, na mi humilde opinion ;), un otro punto un tiki mas prèt ta pa kome mas tantu yuana ku bo por ya bo no tin masha mas den bo área).

Mi ke sa kiko abo ta hasi pa deshasí di yuana!

Pa pispis mi a referí na algu ku durante di lès di JCI, Tera Krioyo un señora a kompartí ku mi i ku mi a tene ku dos

man, paso di bèrdat e tin resultado: Nos “kerido” palu di Neem (Azadirachta indica).

Mi ta bai hasi mi bèst pa mi pone un tutorial mas lihé ku ta posibel di e 2 maneranan kon ami ta usa neem pa kombatí pispis na un manera natural i orgániko.

Mi ta sintimi hopi kontentu kon tur kos a kana i ta kontentu ku e netwerk ku nos a krea ayera.

Mi ta lag’é te aki,

Ban Planta!